Mari Nikonen. Helduei finlandiera irakasten die Helsinkin, enpresetan, aurrez aurre eta online, saio partikularrak… Fonetika eta ahoskera finlandiarrari buruzko liburua argitaratu zuen eta Ask a Finish Teacher bloga idazten du, ikasleek egunerokoan egiten dizkiote hainbat galdera erantzuteko.

Astigarragan jaioa. Ingeniaritza industrialean doktorea, EHUko katedraduna, Donostiako Eskola Politeknikoko zuzendaria izan ondoren, Eusko Jaurlaritzako Garraio Sailburuorde izan zen 2005-2007artean, Gipuzkoako Foru Aldundiko Mugikortasun eta Lurralde Antolakuntza diputatua 2007-2011ra, Madrilen Kongresuko diputatu 2011-2012ra eta Eusko Jaurlaritzako Sailburua izan da hiru legegintzalditan (2012-2024), besteak beste, Ekonomia Garapenerako eta Azpiegituretakoa.

Getxoztarra. Ekonomia irakaslea izan da 25 urtez EHUn, Ekonomia Aplikatua sailean. Bere ikerkuntza eta lan ildo nagusiak Erregio eta Hiri Ekonomiaren eta Sektore Publikoaren Ekonomiaren esparruetan kokatzen dira, arreta berezia eskainiz Euskal Herriko kasurako aplikazio praktikoari. Ogasun eta Finantzetako diputatua izan zen Gipuzkoako Foru Aldundian 2011-2015 legegintzaldian. Bestalde, UEUko (Udako Euskal Unibertsitateko), Eusko Ikaskuntzakoa eta Gaindegiako kidea da.

Zumaiarra. Euskal filologian lizentziaduna. Soziolinguistika Klusterreko ikerlaria eta Bat soziolinguistika aldizkariaren koordinatzailea.